पाऊसगाणे

आभाळात ढगांचा
जमला गं मेळा
वाजंत्री वाजवुनी
होतो साजरा सोहळा...

आला पाऊस पाऊस
पैंजणाच्या तालात
रूणझुणू रूणझुणू
ताल धरे अवनी उदरात..

नदी ,नाले ,ओढे
तुडुंब भरून जातातं
रस्त्यांवर पाणी
खड्डे भरून वाहतातं..

पेरणीसाठी जमीन
शेतकरी नांगरून ठेवीतं
पावसाच्या आगमनाने
समाधान चेह-यावर दिसतं..

होईल अन्नपूर्णा
प्रसन्न धरतीवर
पिकं येईल तेव्हा
मोरपंखी पिसारा फुलेल डोईवर..

पाणी अडवून
जिरवून जमिनीत
कसदार पीक अबाधित
घेऊ आपल्या मातीत..

असा पाऊस पाऊस
सरीवर सरी मुसळधार
मनाच्या हिरवळीवर
गोड हसू दिसे गालांवर..

✍️©®अनिता कळसकर
    (कल्याण)