पाऊस माझ्या मनातला

काळे सावळे आभाळ
येते भरून सांजवेळी
रूणझूण पैंजणाच्या तालात
मृदगंधाचा मंद सुवास येतो दरवेळी.

पावसाची ही सुरूवात
कोसळे सरीवर सरी
पाऊस माझ्या मनातला
आसवांना पूर अंतरी...

भिजले मी ओलिचिंब
हात घेऊन हातात
हसून पाहता साजन
झाले बेहोश प्रीतीत..

पावसाची माया
अवतरली अवनीवर
प्राणीमात्रांची चंगळ
हिरवळ दाटली सभोवार..

धरतीने नेसला
हिरवा शालू भरजरी
लाल,पिवळ्या,फळाफुलांची
दुनिया सजली ही न्यारी..

कृपा कर दयाघना
धरतीवर आतातरी
पाप नाहीसे करूनी
पुण्य दे हातावरी.

वाट पाहतो शेतकरी
अन्नदाता हा जगाचा
हिरमोड नको करूस
संसाराच्या रे त्याच्या..

✍️©®अनिता कळसकर
      कल्याण